ఏక శ్లోక 'సుందరకాండ' - నిత్య పారాయణ కోసం

ఏక శ్లోక 'సుందరకాండ' - నిత్య పారాయణ కోసం

హనుమజ్జయంతి (సందర్భంగా)
మిత్రులందరికీ "హనుమజ్జయంతి" ఆధ్యాత్మిక సభక్తి శుభాకాంక్షలతో
వైశాఖ బహుళ దశమి - హనుమజ్జయంతి (31 మే, మంగళవారం)...

ఏక శ్లోక 'సుందరకాండ'
(నిత్య పారాయణ శ్లోకము)

ధృత్యా సాగర  లంఘనం హనుమతో,

లంకామదోత్సారణం

తత్రా శోకవనే చ మార్గణ, మథ

శ్రీ జానకీ దర్శనమ్,

రామక్షేమ నివేదనం, వనతరుం

ప్రద్వంసనం, సంయుగే

రక్ష స్సంహననం, పురీ ప్రదహనం,

రామాయణే సుందరమ్.

ఓం తత్సత్.

భావము:

ఆంజనేయుడు సముద్రము దాటుట, లంకానగర వీరుల గర్వమును

అణచుట, అశోకవనములో సీతకై వెదకుట, జానకీదేవిని దర్శించి,

శ్రీరాముని క్షేమమును ఆమెకు వినిపించుట, అశోకవనములోని

వృక్షాలను పాడుచేయుట, రాక్షసులను చంపి లంకను తగులబెట్టి

వచ్చుట, ఈ విషయములతో రామాయణములోని సుందరకాండ చాలా

ప్రసిద్ధి చెందినది.
 
ప్రతీదినము 108 సార్లు పారాయణము చేసి, అరటిపండు నివేదన చెయ్యాలి.

శ్రీ హనుమ జయ హనుమ జయ జయ హనుమ!

రామదాస ప్రసన్నం భజేహం! భజేహం! భజేహం!

శ్రీ హనుమజ్జయంతి పర్వదినోత్సవం సందర్భంగా - మిత్రులందరికీ ఆధ్యాత్మిక శుభాకాంక్షలను అందిస్తున్నాము.

కొంపెల్ల శర్మ, తెలుగురధం. Kompella Sarma.